الله يمسيكم بالخير .. على استحياء اتمنى منكم محاولة تمرير هذا النص الكيبوردي بدون مناسبة .. تقديري الجمّ ؛؛؛

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاشفت براق المزون المراويح=قامت هواجيسي تفتق عليّه
وجريت مايبرى القلوب المجاريح =طرقٍ وسمته مثل وسم المطيه
زامي ويشدى للطوال الصلافيح =ماينوجد مثله ولافيه زيّه
افقده وادراه واقوم واطيح =واحفحفه من بين روحه وجيه
كله علشان الرجال الطحاطيح =من خوف لايلقون غلطة قوية
هذا وانا شاعر وعندي تصاريح =مار الصراحة مالها قابليه
جاملت مع بعض الوجيه الملاويح =واثر المجامل لي عيب وزريه
وصبرت واثر الوضع يحتاج تصحيح=كبرت وصارت كبر هضبة طمية
ولاعاد باقي غار اشارة وتلميح =ومن بعدها الذمه تراها بريه
ياهل اليدين اللي تلوّح تلاويح =بين رمضان وبين عيد الضحية
عقب الغنا صرتوا جياع ومشافيح=وهذه علاكم نكبة عالمية
عطتكم الايام ضحك وتمازيح = واخذت عوايدكم بكل اريحيه
أحدٍ يجر الصوت بالحيل ويصيح =وأحدٍ بلش من بين هاذي وذيه
وأحدٍ ليا صلى صلاة التراويح =ايكمّل السجدة وينسى التحية
وأحدٍ نشوفه كلما ماهبت الريح =غنى على المرواس والسمسمية
وأقرب مثل وارد ومن غير تجريح=ومن غير شق ستار ومخادعيه
صرتوا ذبيحة في صحون المفاطيح=لاهيب نجدية ولابربرية
ياكثر ماباقي وماقلت توضيح =كافي وباقي للسوالف بقية
والمعذرة ياهل العقول المصابيح =النيرات الطاهرات النقية
اليا حصل مني تجاوز وتجنيح=ابغى السماح بكل نفسٍ رضيه [/poem]

الوضع ماهوب يازينه وياطيبه
الله يستر علينا من عواقبها

ابليس يرقص ويومي في مشاهيبه
وام الكباير تليّم في مزاهبها


ومسيلمه قام يفتل روس اشانيبه
يهوش وينوش وعيونه يقلبها


nofi3e@hotmail.com