دارين

ولازلنا نتنفس المشاعر حية بين السطور

ونختار الشعر بعيدا عن مجاملات و انحيازات قد تقتل الذوق



*

*




يقول عبدالله بن قنيص

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الوليف اللي تربع في معاليقي لحاله = ايتخيّر في قديمي وايتخيّر في جديدي
دامه اللي مرخصً لي وقته وحاله وماله = جعل تفداه المشاعر كلها واعذب قصيدي
والله اني مانويت اقطع وصالي عن وصاله = مير قولوله مادام العمر ينقص مايزيدي
عان عبدالله سوات اللي توفى اغلا عياله = ولا يعوضه فيك يامحبوبه ارصدة الوليدي
يالحميدي هذا انا وانت الحكم وانت العداله = ودي اعلمك بالقصه عسى عمرك مديدي !!
قلتله كلمه جراله من صداها ماجراله = ساعةً فيها الزعل هو سيد العلم الوكيدي
وكل ماتطري علي الكلمه اللي قلتها له = والله ان كن الجنابي من وريدي لا وريدي
تنهش عروقي وتكتم صوتي وتقطع حباله = يالحميدي وش تقول الوضع مزري يالحميدي
اعتذرت ولا قبل عذري ومن باب الجماله = ارسل رسالة تشره من بريده لا بريدي
وانطوى قلبي مثل طوي الرشاا فوق المحاله = لين قلت ادخل على الله لا تزودها تزيدي
حالتي عقبك ومن ماصار لك ماهيب حاله = وشرهة الغالي على الغالي تّسما الجمر الوقيدي
ياحبيبي هي حدا امرين وعلى شان الزماله = وان بغيت تعدّني فيها ذكي والا بليدي !!
ياتراجع عن جفاك وهجرك وترفى الخماله = والا حمّل نفسك ذنوبي ولا انت بمستفيدي
واحدً حبك وحطك في زمانه راس ماله = لاتخيّب ظنّه وتنقض جروحه من جديدي [/poem]



اختار سعود الدهيمي