كتبتها منذ زمن .. وحان الوقت لتكون بينكم .. اتمنى ان تتقبّلوها


[poem=font="Arial,4,#00008b,bold,normal" bkcolor="" bkimage="" border="none,1," type=2 line=0 align=center use=ex num="0,"]يرحم الله من كتـب لبلادنـا قصّـة مجيّـه= مات لكن ما تموت بسيرتـه فـوح العطـور
باقيه فـي ذاكرتنـا قصـة الابطـال حيّـه= وان حكينـا مـا تكفينـا لذكراهـم سطـور
يوم جا عبدالعزيز الحـر قايـد لـه سريّـه= جا ووحد شملها اللي كان قبله فـي حـدور
يصحبـه ستيـن رجّـالٍ عزايمهـم قويّـه= كلهم وقت اللقـا بالعـون وافيـن الشبـور
واحد وستين فـارس كلـن يفـادي خويّـه= في شهامه في رجوله في شجاعه ما تبـور
واحـد وستيـن سيـف وفالروايـه بندقيّـه= يتبعون القايد اللي بالوغى صـارم جسـور
وانتصر والشعب ابـدى لـه ولاءه كالبقيّـه= صاحت الافواه ( بايعناك ) بالصوت الجهـور
واشرق العهد السعودي وانتشر فالكون ضيّه= وابتسم هالحظ يضحك في سعاده في سـرور
مملكتنا يـا منـار الحـق يـا حـره ابيّـه= ابتدت رحلـة حيـاة العـز تبـدا بالظهـور
صارت امجادك على حدود القمـم والعالميّـه= ذاع صيتك في اقاصي الارض والسبعة بحور
من شروق العلم لغروب الجهل ماتت قضيّـة= وانتهت امية(ن) من تحت راس ( العلم نور )
والدروب المعشبه باغصانها خضـر ونديّـه= بعد ما كانت صحاري قاحـلات جـرد بـور
سيفك ونخلتْـك ترمـز للكـرم والمقدريّـه= رايتك عليـا عظيمـه مـا تنكّسهـا امـور
حافظه دم الدخيل ان جا يـدور بـك حميّـه= تفزعين وفزعتـك بركـان بالنخـوة يثـور
طبعك الوافي كريم وايـدك البيضـا سخيّـه= تعطي المحتاج دايم دون منّ(ن) او قصـور
ساقيه حجاج بيتك في كـرم ماشفـت زيّـه= منهو يظمى بعد يشرب عذب زمزمك الطهور
كلنا نفديك شعب وجيـش حكـام و رعيّـه= نرخص ارواح ونفوس ان جاتنا الدنيا تـدور
لـك نقـدم بالشدايـد دمنـا الغالـي هديّـه= من يهاب الموت دام افراد سكانـك صقـور
ياما واجهنـا المخاطـر بالسنيـن الاوليّـه= وانتصرنا ..واستعدنا مجدنا .. بذيك العصور
لو تحدى من تحدى ضاع وسـط المعمعيّـه= وان تصدا لك عدو(ن) صدّه القلب الجسـور
والخوارج من شذوذ القاعده واهـل الخطيّـه= شبّو الفتنه بمذهـب كلـه ارهـاب وفجـور
اهل تخريـب واذيّـه.. كفـرو كـل البريّـه= غيّرو حكم الشريعه .. حرّفـو الاسـلام زور
ضايعه كل الحقوق بعصبة ابليـس الشقيّـه= يذبحون المسلمين بـلا ضميـر ولا شعـور
دمهم مهدور ما دامـو علـى درب الرديّـه= حقهم نفتح لهـم بسيوفنـا ضيـق القبـور
يبشـرون بذلّهـم لا وُرّدو حـوض المنيّـه= كلن بيدفع ثمـن شيـن الخطايـا والشـرور
والا حنّـا نحمـد الله مالنـا فالظلـم نيّـه= ما نظيم ولا نعادي غيرنا ظلـم(ن) و جـور
حكمنا نص الكتـاب وشرعنـا سنّـه نبيّـه= مانغيّر نهجنا .. لا .. حافظينـه بالصـدور
من قديم الوقت نتبع في رضا ذات الوصيـه= ياعسى ربي يثبتنـا علـى صلـب الجـذور
حتى وان قالوا سياستنا تخلـف .. مرجعيّـه= ما علينا دامنا نرضي بهـا رب(ن) شكـور
واختم بصلو على سيد البشر صبح وعشيّـه= يا صلاة الله على الشافع لنا يـوم النشـور[/poem]