[align=center]وليدة اللحظة .. اتمنى لها القبول .. [/align]



[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
اثر المواجع يا حمد مثل الايام؟=تحسب ضمن عمر المحبّ وسنينه؟!
لا هيب لا تشرى ، ولا هيب تنسام=لو يدفع الرجّال ما في يدينه!
حشيمة حشامٍ لأجل خاطر حشام=ثمينةٍ تهدى بـ ( يمنىً ) ثمينه!
واللي خذت قلبي هديّه من العام=جتني تردّه ، قلت: عندك رهينه!
حتى لو ان البعد في وضع الإتمام=لا من عطيتك شي ، لا ترجعينه!
اخذيه دامه يشبهك عشق وأحلام=وإنتي بـ ( نبلك ) فـ ( الهوى ) تشبهينه!
اخذيه وابكي ، وآنا مثلك ، واذا لام=قلبك عيوني ، قلت: تستاهلينه..
دمعٍ على طاري موادعك مقدام=لو قصّر الله يعمي اليوم عينه!
راحت وخلتني خصيمٍ لـ ( الأوهام )=قلبي نهشه الحزن ، وافرغ حنينه!
راحت وجا شامت وعاذل ولوّام=ولا كل غايب لا حضر ، فاقدينه!
بعض الحضور اشبه بـ ( طعنات ) جزّام=وبعض الحضور اشبه بـ ( فرحة ) حزينه!
وبعض المفارق مثل حكمٍ بالاعدام=لا مر روحٍ تلّها في يمينه!![/poem]