السلام عليكم

مساكم الله بالخير


بدون اي مقدمات شعبيه للتناوش








[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يادهام قم روح علي الصيد في شاطي الغروب=اطلعت غرب البيكري حبارتينً طايرات
اخفيتهن عقب الحزم ذبن ويمتهن جنوب=وشرفت لجل اراسلك يادهام في راس العلاة
عجل علي ياصاحبي وانت اللي تدل الدروب=واخطم عليهن دامهن بيني وبينك مخمرات
خلني اعزل اللي على حظي وانطحها الهبوب=واعطيها حرن لاشلع سبقه مثل سبق القاطاة
تراي شفقن عالهدد طيري على كفي مغصوب=يكفخ على اللي افقعت تردم شديد الذاريات
ابيها لامن نقطت وفالسما قامت تذوب=خذيت منه وردها يادهام عن درب النجاة
ثم جاك يرقى للسما كنه من المشط محلوب=وكني بها لاشافته اتظيع الاربع جهات
ثم ردها كمن مرد مرهي وفسقان ولعوب=ثم وقعت له وخر من كبد السما مثل الحصاة
يادهام انا من طردها استغفر الله كيف اتوب=وابليس يطريها علي من قبل اكبر للصلاة
قولولها في جيدها كل مااقترفت امن الذنوب=اما انها اتحبني ولا انها تلبس عباة
لان فيها من الجمال مايوصفه حتى الكذوب=اتنشف السبع البحور وتشيب سبع معلقات
ام العيون الناجلات اللي على وجهي تروب=الفاتنات الناعسات ام الهروج الخاثرات
ايه ازرقتني برمحها وانا على امري مغلوب=حطيت عيني بعينها وسلمت نفسي للمات
وايه ادفنتني بمقبرة عشاقها ظمن القلوب=في خالن اسود موقعه جنب اللحي تحت الشفاة
ياشيب عيني لااقبلت اتقول مافيها جنوب=وليا ادبرت من ثقلها ماكنها نفس اللي جات
اسطاب لكزس لولوي كاتب على الشنطه stop=كل من تعدته استعد ونفذ ايعاز الثبات
ماالوم فيها ذا البنات يوم انهم صارو group=وتجمعو ظدها قهر وهي مسفهه فالبنات
ودي بها غير البلا اني في صوب وهي في صوب=انا على الفطره بدوي وحظرتها من ذا التاليات
اتشوفني فالسنست مشخص بغتره وثوب=واللي عليهم جينزات واللي عليهم شورتات
واللي يرزه موتره واللي يرزه لاب توب=واللي ثيابه مخصره واللي بداله ماركات
اشكال ماهيب تنهظم بالفيس بوك والفوتو شوب=رجالهم كنه مره وحريمهم مسترجلات
وانا مانيب تبعن لهم وانا مقدر ومحسوب=ان كان يرظيها كذا ولا ترى اللي فات مات
والا امنعوها ياحرس لا تعتب لشاطي الغروب=الا بشرط اتحبني ولا انها تلبس عباة[/poem]


وسلامتكم