بسم الله الرحمن الرحيم

اخواني واخواتي مشرفين واعضاء وزوار منتدى الجميع ( المرقاب )

اسعد الله جميع اوقاتكم بكل خير اما بعد

يسرني ان انقل لكم سلام وتحيات والدي عبدالله بن نايف بن عون

وان اعرض على انظاركم جديده بعد ان كلفني بذالك بعد المكالمه التي دارت بينه

وبين اخي الكبير الشاعر حسين بن ضيف الله الدوسري

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياللي تسوم الوضح ماهيب للبيع = اللي يوسع خاطري لاتسومه

دور وتلقى البيع عند الطماميع = اللي تصفي كل يومٍ بيومه

ويش اتسلا به ليال المرابيع = لا ناض براقٍ ثقالٍ غيومه

لاقالوا الحاشي علق فالطواليع = والسيل عساسه عطانا علومه

بين اهجر العجمان ومطير وسبيع = عشبٍ تفتق للعشاير كمومه

عشبٍ يجيله فالمسارب تناويع = من قطف زملوقه ماهيب امحرومه

نبي نخليها تذب المخاويع = ونقدالها مقهورها في يمومه

من قصر ابن ملحم معش المجاويع = اللي تسابق للفضيله عزومه

من سيرته فيه المدايح مطاويع = ومن يمدح الممدوح مااحدن يلومه

للبال عنده كل ماضاق توسيع = الله يوسعله ويبطي بيومه

يفدونه اللي ماوراهم مطاميع = جندن طرايقهم ماهيب امهضومه

نوعيتن مامن وراها منافيع = تجار لاشك اليدين امحزومه

وضحٍ بعد مقياضها فالمشاريع = ماشط من بعد المعشى تهومه

لاروحت مثل البني المفاريع = وعيالها خلف الرحول امحكومه

تنسف على ايسرها خشوم الترابيع = والعتش الاول تنزعج مع ثلومه

ناخذ من السجات معها قراطيع = لين امهموم القلب تذهب همومه

تطرق عمايمنا هبوب الذعاذيع = ونلقى حياتٍ فالقصور امعدومه

لاقربت صفر الدلال المهانيع = وغدابهن لمخلط الكيف عومه

في خايعٍ فيه الزبيدي مصاليع = والربل والملاُح كاسن احزومه

هذا هوى بالي وباق المواضيع = النفس عنه مقيده وامخزومه

والرابح اللي مدركن ذبت الريع = وله سمعتٍ عند الرجال امحشومه[/poem]