محمد بن نجر
امـا تجيـب إللوعتـك عـذرٍ سميـن
والا تــدن الهاشمـيـه لاطــرى
صحيح انـا لايامـي الحلـوه مديـن
لكـن انـا ديـان لايـام الــزرى
رسمت لامالـي مـع احلامـي سنيـن
وتبعثرت وانـا علـى حيـد الـذرى
ومديـت كـفٍ ماتجيـب الا ثميـن
ورديتها قـد ناشهـا بعـض العـرى
واسقيت غصنٍ قلـت يمكنـه يزيـن
واصبحت راسه راجـع يـم الثـرى
ونوخت مضهوري على الحمل المتيـن
وازرى يقف تقـول مشتـالٍ كـرى
ياشينها لاصـار موضوعـك سجيـن
بين الضلوع وهمـك لقلبـك فـرى
وياشينها لاصرت لاحلامـك رهيـن
واحلامك اللي عشت عكس اللي جرى
ماغير اقلب صورتك فـي كـل حيـن
واقول ليه احرمتنـي حلـو الكـرى
غيبت شمـسٍ قبـل لا عرفـك تبيـن
مـدري تـوارت او عيونـي ماتـرى
وصحيت في صدري من الفرقا ونيـن
وشبيت نارٍ تحتـرق شـوق وحـرى
قصـة غـرام وبعثروهـا الحاسديـن
مكشوفةٍ للـي سمـع واللـي قـرى
صفعه من الايام مـن فـوق الجبيـن
بسبابها دمعـي علـى خـدي جـرى
امـا تجيـب لبعدنـا عـذرٍ سمـيـن
والا عليـك اليـوم رديـت البـرى
صح السانك مددددددددد بلا عدددددددددد
|