سعود مناور العتيبي
تفحيط في تفحيط وادخل عرض والعالم تشوف
واعقد على كبود الرخوم ولا عقـدت اجرّهـا
بثنين لين اسمـع سواليـف البساتـم والبلـوف
ولـو كـان يحصلـي وعـوّد للحفـل لكرّهـا
لعيون من حطت بوشم اسمي على ظهر الكفوف
يامـر فرقاهـا علـى قلـب المولـع مـرّهـا
ان كان جتني مسرعه وان جيت عيّن الظروف
كـم ليلـةٍ عـودت لثيابـي وقمـت اطـرّهـا
يالفاتنه من بعدك اعلنـت التنحـي والعـزوف
عن سكةٍ ماعدت اميـز خيرهـا مـن شرّهـا
راحت حياتي كلهـا بيـن المبـرز والهفـوف
مالي لـزومٍ فالشواطـي لـو عطونـي درّهـا
اطلع من الديره وجنب عن شوارعها ماطـوف
فيها وانا كنـت افلـي الديـره فلـي وفرّهـا
كفو كفو كفو كفو كفو يا قطمان المحازم ابن عمي
|