حسين الحارثي
سلام الله على المرقاب واللي طوّر المرقاب
سلام اسلام من مسلم ودينه دين الاسلامي
محمد بن رشيد وفايز الميموني الاصحـاب
نسونا بعد سلطنا عليهم ضـو الاعلامـي
محمد رشيد
هلا يامرحبا من شاعر ٍ وقت الطلب ماغاب
عدد من حج بيت الله ومن صلى ومن صامي
صداقتنا على طيب ووفاء لو للغياب اسبـاب
لكن اللي بـلا برهـان ماتنفعـك يالرامـي
حسين الحارثي
يدوم الك البقا ياللـي تغلـق دعـوة الطـلاب
مع اهل الطيب وهل العرف محفي سبت الاقدامي
تفتّل فالشوارب مـع رجـالٍ تفتـل الاشنـاب
ولا ادري مكسبك مظموون والا مثلـك العامـي
محمد رشيد
تفضل هات لي علمك وشب النار ياشبـاب
واخذ حذرك وخلك منتبه للميسـم الحامـي
والا ياشاعر الدانه تجمعها بـدون احسـاب
وهي ماتشبع الجايع ولا تقطع ضما الضامي
حسين الحارثي
انا صبيت لك فنجالٍ اشقر وانت لـه شـراب
تقهوه والقـدوع السكـري قدمـك وقدامـي
نعَرف انك محل اعجاب و انك مصّدر الاعجاب
لكن منته محصـل غيـر ماحصلـه صدامـي
محمد رشيد
مدام احسين سوى الكيف صب الكيف ياصباب
لو انّا ماكسبنا فيـه غيـر اذنـوب وآثامـي
توقّـع وانتبـه قـدام تفتـح للمشاكـل بـاب
ترى ماودّي اقلع يالحسيكي عرقـك النامـي
حسين الحارثي
عليك حسين يرفق وانت ست اعوام تحت الناب
تحسب انك رجل عملاق وانته ظمن الاقزامـي
كثير الناس فصل لك يابو مالك عُقـل وثيـاب
وحزمّك بحـزام وبنـدقٍ فـي تالـي الايامـي
محمد رشيد
علومك يالحسيكي كلبوها فص ملح وذاب
تفلسف وانت ماداويت منا جرحك الدامي
انا قد كنت اظن ابظن فيك وكل ظني خاب
لكن منته مخسّرني يقع طلقه من احزامي
حسين الحارثي
ياليت انك مشـاور قبـل ردك صاحبـك غـلاب
قبل يزعـل عليـك ويلحقـك شرهـه وتنلامـي
عسى الله يرحم اللي كان يحسب له وراك احساب
ترك لك ورث لين اسمك لحق باكبـار الاسامـي
محمد رشيد
ابو مشعاب لو انه تجمّل فيـك بالمشعـاب
مايمدى قصتك سولف بها المري على اليامي
انا افخر واتشرف بالفعول وسمعة الشيّـاب
لكن انته تهامي ياحسيـن ووارث اتهامـي
حسين الحارثي
ابو مشعاب بالمشعاب فيكم حط له مضـراب
ماخلا واحدٍٍ منكـم سليـمٍ لحـم واعظامـي
انا حجازي تهامي وانت نجدي ماعليك اعتاب
تنام اليا اذن المذن وتعشق طيف الاحلامـي
|