يا قلب راح الكثير ومـا بقالـك كثيـر
تغانم العمر قبل العمـر يصبـح رمـاد
الحب درب(ن) مشيته في عيون الضرير
تشوف الإحساس وإنته ماتشوفه وكـاد
تظْماك الأشواق وتناديك نسمـة عبيـر
ويسألك ليل الصبر .. و تجاوبه بالبعـاد
اللّي حصلْ شي أدري مابغيتـه يصيـر
زرعت بِيديك حب و مات قبل الحصـاد
ما كان حبّه حرام ومستحيـل وعسيـر
يجيبه الحلم ولاّ الوصـل دونـه زنـاد
رضيت بمحبته والصبـر طعْمـه مريـر
ذقْته على شان تسعف ما بقى من وداد
رضيت بمحبته والقلب طفل(ن) غريـر
يساوم أوقـات لِعْبـه بالبكـى والعنـاد
رضيت فيه ورضى بالحب دون اليسيـر
أغْوَتْه الآمال وأغْواه الطمـع بالمـراد
ياصوت الآمال لا تنشد عيـون السهيـر
هو ليه حلم المحبـة مايجيبـه رقـاد ؟
لا تقولِ لي جيت نادم وإنت ميّت ضمير
مايعرف الحب قلب اللّي شعوره جمـاد
الله الله الله
ابداع اختي الكريمة لاهنتي ولا هان راسك
تحياتي وتقديري
|