[align=center]بسم الله الرحمن الرحيم

السلام عليكم ورحمة الله وبركاته وبعد :

على شرف سعادة محافظ وداي الدواسر الاستاذ / منصور بن إبراهيم العرفج إقيمت مساء اليوم السبت الموفق 24/6/1429هـ فعاليات اليوم العالمي الثاني والعشرون لمكافحة المخدرات بمحافظة وادي الدواسر وكان لي هذه المشاركة :[/align]

[poem=font="Simplified Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
أبداء بذكـر المعتلـي سبحانـه=الواحـد المنـان جـلاّ شـانـه
سبحانـه المعبـود كـرم عبـده=فـردٍ تعـالا عــادلٍ ميـزانـه
نطلبه في الرحمه وفي الغفرانـي=و الخلق جمعاً ترتجـي غفرانـه
ولا لنـا الا رحمتـه يرحمـنـا=لن الصحايف بالخطـاء مليانـه
من عقبها يـا مرحبـا ترحيبـه=ما لاح برق في صـدوق امزانـه
باللي حضر فـي حفلنـا تثناله=كل أبلـجٍ تنصـاه ليٍ مكانـه
اليوم ثالث عيد مـن الاعيـادي=والشعر هاذي حزتـه وأوطانـه
اليـوم يـومٍ عالمـي لا يخفـا=جنابكـم يالعـالـم الفهمـانـه
بـإن المخـدر أفـةٍ ممقـوتـه=من طـاح فيهـا بيـنٍ نقصانـه
يا اخواننا الموضوع جداً مدهش=الشعـب راح ضحيتـه بإدمانـه
بعيد عن بـاب المديـح الزائـف=بأقـول قـولٍ محضـرٍ برهانـه
حنا سبب في طاعـة العدوانـي=كيف الرجل يمشي وراى عدوانه
عدونـا يمشـي بخبـث النيـه=وليا تمكـن مـن حدانـا هانـه
ونقول جاه السحـر والا نضـره=وأثر المخدر سار فـي شريانـه
إمور من يبحـث لهـا حصلهـا=إمكافحة هـذا العضـال أمانـه
وإن طال طايل من مشاء في دربه=مصيـره يقيـد وسـط زنزانـه
وحنـا مجندنـا زعيـم الدولـه=لمحاربـة هـذا البـلا وأعوانـه
لكن نواجـه مشكلـه ومصيبـه=قل التعاون ويش له مـن خانـه
الامر ينـدا لـه جبيـن العاقـل=ويـن الامـر بالخيـر والعوانـه
من لا تعاون مع جهـاز الدولـة=تخاذله هذا يعد خيانـه
تكفون يهل الدين ياهـل النخـوة=انتـم عيـونٍ عالبلـد سهرانـه
شبابنا راحـوا ضحيـة فاسـق=مخزي وزين له هـواء شيطانـه
والكل مطلـوب التعـاون منـه=حتى نجث الفسق مـن سيسانـه
ونفرح ونفخر في عمـاد الامـه=شباب صاحـي والعمـل ميدانـه
أهم شي الدين لا تنسونه=ما خاب من يرجي الولي سبحانه
والختم صلـوا عالنبـي الهـادي=رسولنا الي جـاء بخيـر ديانـه[/poem]

[align=center]