[poem=font="Simplified Arabic,4,black,bold,normal" bkcolor="burlywood" bkimage="backgrounds/1.gif" border="groove,4,sienna" type=0 line=1 align=center use=ex num="0,black"]
ياجميل الصبر وين انت يالصبر الجميل=ليتك ثياب(ن) يفصْلك خياط الثياب
كان والله للبسك كل يوم وكل ليل=واتحلا بك شجاعه واخدْر بـك مصاب
يوم كنّك درع وايام كنْك فنْتنيل=والجهات اربع و للصيت لذّه في الصعاب
واحتسيك لكل طآله ومعروف وجميل=مع جميع الناس واعْني عزيزين الجناب
ولو خذينا ما خذينا .. من الدنيا قليل=والقليل اللي خذيناه ما يسوى حساب
للمراجل والمشاريه ..ديان وعميل=سوق بيع ومشترى بين شيبان وشباب
المكارم عزم و الطيب عز وسلسبيل=والمسآهمْ قدر ما أسهم سواة الاكتتاب
المراجل راس مال الرجل حيْله وحيل =والحياه دروس والناس طلآب انتساب
المواهب والفراسه وهايب جيل جيل=جيل فوق الارض واجيآل من تحت التراب
كل ذكرى خالده .. والزمن خلْ وخليل=دونها أغلق كل باب ..وبقى التاريخ باب
يفرقون الناس فرق السليم من العليل=ويذّكرون بطيب الافعال لو كانو غياب
كل معشر قوم ما ينحسد فيه البخيل=البخل مذموم والذم في نصْ الكتاب
لكن اللي وجْهه ابْيض معه وجْهه كفيل=والكفاله حق مشروع و تفك الرقاب
مثل دمْ الوجه بين الشهامه والدخيل=يدفع احجاج الـسْعد للحميّه ما يهاب
الفتى بالأسم والسيره اذا ماله حصيل=فاالوجود من العدم مثل ضحضاح السراب
والاسامي تشْتبه والشْبه ما هو دليل=والثنا الصادق .. مناجآة دعوة مستجاب
ولا آله الاّ الله اشعارنا والله وكيل=والدعاء باالعفو .. والعافيه .. والاحتساب[/poem]