لبست لك بشتٍ على المتن ضافي
وصنفت نفسك من شيوخ العشيره
وحفظت لك تاريخ كافـي ووافـي
وزوّدت في تاليه جملـه قصيـره
تقول انا العرّاف وانـا السنافـي
وانا العقيد اللـي يقـود المغيـره
انا اعترفلك بس لا صرت غافـي
ولا صار في نومك حلومٍ كثيـره
يا هيه صح النوم وين انت لافـي
حاسب ترى قدمك بحورٍ غزيـره
لا صرت في نعمه وصرت امتعافي
والحـظ قايـم والدراهـم وفيـره
تحمـد الله ثــم ذب الفيـافـي
واترك على العرّاف قود المسيره
الطيب والمعروف شـيِ يشافـي
ماهوب قـولٍ ينحكـى بتعبيـره
لكن يـا مسكيـن عـوّد خلافـي
رجلك على درب المراجل قصيره
ياسلام ياسلام
أبو طيف
صح الله لسانك الى حد الرضا
مبدع وجزل ووافي
ونص جميل جدا رغم الغضب فيه
دمت بتوهج
اعجابي+محبتي+متابعتي
|