كل ما ناظرت دمعه على خـد اليتيـم
ماوعيـت الا عيونـي تهـل دموعهـا
اشهد انها توجع القلـب والله العظيـم
السنه لافرق فـي ايامهـا وسبوعهـا
سـود الله وجـه الايـام ياعبدالحليـم
من درى عن شكلها مادرى عن نوعها
وانت ياللي عايش كل عمرك في نعيـم
ماتشكى من ضماها ولا مـن جوعهـا
ودي اضرب لك مثل شغل العقل السليم
ان صفت لك يوم بكره تشين طبوعهـا
ودي اعلمك وانتا على خبـري حكيـم
لا تسوي مثل نـاس تسـد سموعهـا
المناهج مابه احسن من النهـج القديـم
والزمان يسـر كبـد و كبـد يلوعهـا
لاهرجت اهرج بكلمه توقع في الصميم
ثم يبين عاقـل النـاس مـن مقلوعهـا
وان طرالك علم عوذ من ابليس الرجيم
الرجـال الطيبـه تستشيـر اربوعهـا
ولا انا لاشفت دمعه على خـد اليتيـم
اضرب العدوان ضربه تفج اضلوعهـا
/
/
محمد .,
حضور طيب
ونص جميل
وقاف وطرق ولا اروع
صح الله لسانك ولافض فوك
اعجابي ومتابعتي
دمت بخير
|