سداح

لاوالله الا روّح الليـل مانـمـت
ولاعاد لي في باقي الليـل حيلـه

سود الليالي لوعتنـي ولا شنـت
صابر على شيل الحمول الثقيلـه

ولو لآنت عزوم الرياجيل مالنـت
اقولهـا والمـرء قلبـه دليلـه

ياهمي اللي وسط صدري تلملمت
مكنيك مابين الضلـوع النحيلـه

عهدٍ عليه دامنـي حـي مامـت
مابـوح ياهـم الليـال الطويلـه

والرجل قدره لاعرف قيمة الصمت
اخير من كلمـه تبعثـر حصيلـه

لكن صـح الله لسانـي ولاهنـت
ياهاجسي والعلـم يكفـي قليلـه


اي والله صح لسانك ولاهنت انت بعد

لـ / تركي البرقاوي ،


..