السلام عليكم ورحمة الله وبركاته ..

نص متواضع ارجوا له القبول ..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
معزوفتي غني على كل الالحان=ولا تطربين الروس قبل الاذاني
ولا يشغلك بدع القوافي والاوزان=والله لسريها كما البهبهاني
مادام معي احساس وشعور ولسان=لومك علي اليا تعثر الساني
والسالفه ماهي مفارق وخلان= ولاهي حبيب" من فراقه كواني
لا والله الا كان يا كان وش كان =ويانفس قولي لي وش اللي دهاني
تداعيات الفكر في بعض الاحيان =تخلق من الانسان .. انسان ثاني
انسان يقتل ما تبقى من انسان=حسب مقولة : ( عيش والعمر فاني )
وغرابة التفكير من غبر الازمان=تعكس مسارات وتّهدم مباني
شتان مابين امس واليوم شتان=وجه الفروقات استحى من زماني
نمنا على صوت المحدث والآذان=وقمنا على صوت الطبل والاغاني
نمنا ولا زلنا نحاول الى الآن=نحيي حضارة مجدنا الأولاني
بـ/ صدرونا باقي من العز شريان=وفي روسنا حلم وخيال واماني
وياواقع ان عشناك !! عشناك نكران=ماعمرنا عشناك صدق وتفاني
على كذا نبقى على روس الاغصان=والريح ترمينا بـ/ وجه المواني
لاعزنا عزه ولا شاننا شان= نخنا كما ناخ البعير العماني
زومان لو سموه ماهوب زومان=يضرس وهو بارك وعقّله متاني
ولو سيئات الخلق تمحى بالإحسان=ماشفت دانينا من الضعف داني
اسلافنا تطرب لقارىء وقرآن=وحنا طربنا ليل دانه لداني
يالله بـ/ عوفك واكثر العمر نقصان=ويالله تعافيني من اللي بلاني [/poem]