[align=center]محاورة مستور / فايز
مستور الذويبي
سلام تسليمـةٍ فيهـا كـلامٍ كثيـر
الصدق مضمونها ..والطيب عنوانها
مادام يابورجيلـه بالمعانـي خبيـر
ماجيتك ألاّمعـي حجـه وبرهانهـا
فايز ابو رجيله الثبيتي
يامرحبا والمعاني بين فـي وهجيـر
والطيبه طيبه نتعـب علـى شانهـا
عطنا علومك وربي فوق خلقه بصير
مير انتبـه ياولـد يختـل ميزانهـا
مستور الذويبي
الجو غيم ومطر البحر موجه غزير
ولا يقود السفينـه غيـر ربانهـا
إلك حوالي ثلاث سنين ودّك تطير
ولاتطيـر الطيـور ألاّ بجنحانهـا
فايز ابو رجيله الثبيتي
النار لو تشتعل ماشفها اللي ضرير
أمنتـك الله ليـش اقولـه عانهـا
سنين مرت ولانبغى السما والمطير
الارض ياصاحبي تحتاج فرسانهـا
مستور الذويبي
شكلك تحرّى بشير ولا لفاك البشير
مدري تخيل ا لبروق بعالي أمزانها
والارض فيها من الرزاق خيرٍ كثير
لكـنّ وراك ماطبيـت ميدانـهـا
فايز ابو رجيله الثبيتي
صدقني ان البنادم مايحدد مصير
ولا عليش الجنايز تربط اكفانها
والحله اللي معزبها بخيل وفقير
والله لااموت مادقيـت بيبانهـا
مستور الذويبي
مايرتكي للكبار ألاّ عزوم الكبيـر
مادام حدّت سباع الغاب نيبانهـا
وفّر مثاليّتك في ظل موت الضمير
تساوت الناس فاضيها ومليانهـا
وبانتظار فايز [/align]
|