فيصل الدوسري

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

الحب يعشب قلوب ٍ قاعها بور = ويضيّق صدور من بعد انشراحه
وانا تعلقت فيه سنين وشهور = مانيب افرّق هماجه من قراحه
اليا انشدوني ؟ هل العرف وهل الشور = وشلون حالك عسا فالحال راحه
اقول مسرور لو مانيب مسرور = اجامل الوقت وآغيض الصراحه
واكبح جماح الدموع وحزني ايفور = الحزن محد ٍ قدر يكبح جماحه
لو ضاق حلمي من الايام معذور = وان طولت ضيقته ؟ بطلق سراحه
ماجور ياداعي الذكرى وماجور = ياقلبي اللي شكى كثرة جراحه
لي صاحب ٍ مال غيره عندي شعور = من يوم ماطب قلبي واستباحه
الفارع اللي حواه الزين والنور ؟ = طلّة محياه \ يسعد لي صباحه
كلّه تواضع وقلبه قلب مغرور = في ديرة الزين ماخذ له مساحه
اذا رضا دنيتي ريضان وزهور = واذا زعل يقلب الدنيا مناحه[/poem]

..



..



.