|
للهرج زبده <<<<<
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
للهرج زبده وافضل الهرج المفيد المختصر=والفرق واضح والحقايق ماتشابه للخيال
واللي مقامه معتبر دايم مقاله معتبر= مابه مقال بلا مقام ولا مقام بلا مقال
والعاقل اللي في حياته من زمانه يعتبر= لو طال عمره يدري ان نهاية العمر الزوال
يالأدمي دنياك لو ميزتها سكة سفر= علمٍ صحيح وبيّن ولا فيه شك ولا جدال
وايامك ثنين بحياتك يوم حلو ويوم مر= والموت حق وسنة الدنيا نزولٍ وارتحال
نزلت فالدنيا صفر وتغادر الدنيا صفر= تفنى ولا تاخذ معك منها دقاق ولا جلال
الا عملك يروح معك من الممات اليا الحشر= في ساعة ماينفعك فيها لا مال ولا عيال
اما نعيمٍ مستمر ولا جحيمٍ مستمر= لا نادو اصحاب اليمين ونادو اصحاب الشمال
صل وتصدق واطلب الله فالثواب وفالأجر=والدين مفتاح الفرج للي ماعنده راس مال
هذي نصيحه والنصيحه كنها كنز الدرر= الله يجنبنا الحرام ولا يجنبنا الحلال[/poem]
|