منتديات المرقاب الأدبية - عرض مشاركة واحدة

08-07-2008, 02:01 AM

ماغير وجـه الله لـه التّنزيـه
عن كل نقص وكل عيب وياس
ياهل المديـح تكثّرونـه ليـه
وش قيمة الحاجه بدون قيـاس
الما وهو مـاء كثرتـه تكفيـه
ويروح فوق الكاس تحت الكاس
ومدح الرجل باشياء ماهي فيه
غشٍ لّـه ولانفسكـم وللنّـاس
تعطونـه اللـي مالله بمعطيـه
ويبـان فالوقفـه وفالمجـلاس
شخصٍ تطبّـع طبـع ماتلغيـه
مدحه لياجا الماقف الحسـاس
يابيه واثر البيـه ماهـو بيـه
ماغير بلسـه جابهـا بـلاس
تظهر علومه لا لطـم ناصيـه
يثبّت ان الهرج مالـه سـاس
وين انت يامقدّي عيـون التيـه
تربط على بعض الخشوم اكياس
درّه وجت في محمـل التنبيـه
قدام لا يغطـس لهـا الغطّـاس
الحقّ مهمـا الادمـي يخفيـه
مافالقـدور يجيبـه الـمـلاس
واللي يبي هـذا الكـلام يبيـه
واللي ما يصلح له ,, بعد لاباس

اللي مايصلح له يطق الراس ..... في أقرب جدار

أنت هنا ياأبوراكان تتحدث بكلام المنطق والعقل والعزة والشيمة التي تكاد تندثر لدى

( كثير ) من شعراء العصر الحالي الذين جعلوا من الشعر وسيلة استرزاق ليس إلا .

المدح ليس مشكلة , فهو غرض شعري منذ الأزل , المشكلة في المبالغة ومدح من لايستحق ,

وفي إنعدام المدح لوجه الله

أبوراكان :

كنت ولازلت وستظل إن شاء الله أحد النخبة الذين يكتبون الشعر برقي وسمو وإبداع ,

فلافض فوك .