سعود ناهض الرويس

يقول سالم حمد


البارح الليل ( غير ) ومختلف جوّه
لحظة قضا .( الدّين ) يا ديانها . حانت
يا ( بو مشاري ) بعد جعلك على القوّه
بعض الوجيه انتبه منها ليا مانت !!
مشكور . يالبارق اللي ما صدق نوّه
صحيح ما العن من الهقوه .. ليا خانت
ما عاد فيها حيا وانعدمت ( الخوّه )
الناس جاها بلا . ونفوسها شانت
وانا على فطرتي . وان جيت بموّه
( ملامح الوجه ) لو خفّيتها بانت
والكلمه اللي بصدري باقيه جوّه
اقول هانت .. وهي والله .. ما هانت
دون الخوي ما ذخرت لوقتي وسوّه
شف وشكثر .. شالت متوني ولا لآنت
ارفا الخمل .. لا ظهر . واجيه وانوّه
وادفع ثمن ( غلطته ).. ما كنّها كانت
واحطب له ظلوع صدري . لا طفت ضوّه
واجمّله .. وامدح علومه .. ليا زانت
ما كنت ابي شي .. كان الدافع . مروّه
وعهود عاهدت فيها نفسي . وصانت
مانيب ندمان .. مير الجرح يا ( قوّه )
عزاي ياكم رجال من ( الوفا ) عانت
يا صاحبي .. كان باقي لي طلب .. سوّه
اللي حصل شي عادي !! هقوه وخانت
لا جيت ( بير ) الصداقه. ( دمّه ) او ( طوّه )
هانت لك اشياء بس ( النفس ) ما هانت


نبي لــ الشاعر عبد اللطيف الغامدي