فهد بن مطر الغنامي .... رفيقً غالي وشاعر خطير والدليل إنه يقول لي أمس :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالأحمري بيني وبينك مواضيع = تفهم مغازيها وتعرف سنعها
تجمعت في وقت واحد مجاميع = أنته تشتتها وأنا من جمعها
وش فيك ماتعرض مخازنك للبيع = مادامها غليت بالأسواق بعها
إكسب وكسب والقضيه مشاريع = وأنت تعرف من بالطوابع طبعها
خويكم يقدر يسنعك تسنيع = هذي يطمنها وهذي رفعها
إذهن تصير السالفه ثلج ويميع = ويحصد غروسك واحد مازرعها [/poem]


وأنا أقووووول إسمع يبو مطـر :


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بيني وبينك يافهد ذبة الـريع = لكـن حيد الريع لا تقتلعها
قريحتي ماهي بتحتاج تطبيع = نظم القوافي يالعتيبي ولعها
والمعرفه فيد الرجال البواتيع = ولا كل من رام الطوالع طلعها
تبغى تطوعني وأنا ماني آطيع = السالمه منــي يبين ضلعها
الله مقديني لزين التسانيع = والهستره مانيب من مجتمعها
ومصيد الضبان مدري الجرابيع = لا قلت له خذها ولا قلت دعها
وحده طبيعيه وخمسين تصنيع = مدلقماتً لعنبو من صنعها
وتقول ياباني وأنا أقول تجميع = أنا موقف ضدها وأنت معها
حتى العجوز اللي تبيع الطراقيع = تدلعت والمال سبـة دلعها
عموما الموضوع مبدى وتشريع = وأتلى المبادي يالذهين إتبعها
أما شربنا من قراح اليانبيع = والا قبعناها مع من قبعها ![/poem]

وعفاكم