|
اعذار ما تنقبل
[align=center]السلام عليكم ورحمة الله وبركاته
متواضعه عساها تحوز على رضاكم [/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا ناصر القلب محتاج لكلامك قبل = لا ينفذ الصبر ويضيع إسنعه وإسنعك
ما اشين من الهقوه اليا جات كبر الجبل = ويردّها الحظ في صدرك وبين أضلعك
ياللي مع العاشق اخلاقك ذبحها النبل = ان جيت يا مرحبا وان رحت ليه أتبعك .؟
العام قلبي سحابه لك وشوقي . وبل = يوم الوفا عن تغيّر سكـّتك يردعك
واليوم ورد المحبه والمواصل ذبل = ولا اقدر امنع عيون الناس ولا امنعك
سولف .. وكذًب .. وجيب اعذار ما تنقبل = وانا على شان ابرّي ذمّتي .! بأسمعك
أمّا انّي اصدّقك .؟ والله لو انّي خبل = إهنا علومٍ لا تنفعني ولا تنفعك
وان كان مدّيت لك من حسن ظنّي حبل = تمسكك فيه .. يا يٍنزلك يا يرفعك
عفوي بكيفي ولا هو من ضياع السبل = بشوف عقب العفو .. وش آخرتها معك
العفو مرّه وضيقي عقب عفوي . دبل = وان كانك اتشكّ .! عدها .. مستعد أقنعك
وداعتك تحفظ اللي جاي واللي قبل = اخاف ليل الغياب أغيب ما أودّعك[/poem]
[align=center]وسلامتكم [/align]
من عمر الاعوام ما غيّرتك طبوعي .! = قد شفت لك برق ما له فالسما لمعه
سوّيت يوم الضلوع لقلبك ضلوعي = وجمعت لك شيّ ما تقدر على جمعه
من كثر ما اسرفت في وصلك من دموعي = في يوم فرقاك .! ما طاحت ولا دمعه
|