[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
السلام عليكم ورحمة الله وبركاته


ابطيت ادوّر سنافيٍ يقصدني = امشي قدم مامعي موتر وطفراني
ماودي اضغط على الطيب ويحرجني = والا الردي لو قضى لازمك مجاني
الهم له من ثمان سنين مقلقني = وسيع بال وبطان وضيّق بطاني
قضيت عمر الحنش والذيب والجني = ماعاضني عمري الفايت من الفاني
كرّ الجهل والغشامه يامصبرني = ونذرٍ عليّه ماعد فعول جداني
الحظ ماعام عمرني يحججني = لوكل يومٍ على العدوان ينخاني
ارجي عسى الله من حظي يخارجني = بعد وقعت بحبايل كل دياني
شريت الاجره اباضنه يعبرني = متسببٍ وابذل الاسباب من داني
احط من دون وجهي مايجملني = معذار راعي الوفاء لامره العاني
من طلعة الشمس لين تطيح ماوّني = مافيه حيً مادجته كني افغاني
ومن خوف للبنقلاديشو لايسبقني = وقفت عند الاشاره وقفت الجاني
دون المراجل لو يقولون للسجني = رجلي على البنص من واحد ليا الثاني
ماقلت ياهم جنب وابتعد عني = لو كل يومٍ يزود الهم واحزاني
امتّر خريص رايح جاي واغني = مشغول فكري وتفكيري بالالحاني
وين السعاده ووين السايق الفني = لاصرت طفشان واركبتلك طفشاني
ركبّت لي واحدٍ يقول وصلني = للا الحيا قلت له تعال في وزاني
بعد طرق بالرموش صغيّر السني = اشوف موتي من اغضايه بالاعياني
يامايس القد يابو كف متحنّي = وش فيك تشر على الشارع وتبلاني
رقمتني والا انا ماقلت رقمني = ياصافي الخد دورّ واحدٍ ثاني
نايف يبا الستر فالله عاقدٍ ضني = قدام لله يبلاني في ورعاني
لاني مكلمك وانته لاتكلمني = ولاني موصلك يالمجمول مجاني[/poem]