السلام عليكم ورحمة الله

متواضع امل ان تحوز على الرضا والاعجاب


[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شفي شمال ولهلـه البـرق قبلـه=واستاحشت روحي ونا قبل مرتاح
نقض جروحي مرزمـه ونجذبلـه=هيض خفوقي منحيـاً بارقـه لاح
اقفـى يقـود مرودمـاً مرتكبلـه=تتليه غراً.. كنها ضوح الاصبـاح
كريم يامزناً غشـا القـاع وبلـه=بالزود لونه علـى ديرتـي طـاح
والله لو شـاور طروبـاً طربلـه=كان يتمثنى واكفه هـاك الاسيـاح
يسقي ضما الوادي محيره ودبلـه=ويّروي افياضاً عليها العزا.. بـاح
يالايمي روحي من الوجـد ذبلـه=ياحلو..مصباحاً بها عقب مـرواح
فوق ادهماً مابيـد الوقـت ربلـه=من شركته ماطب ورشات الاصلاح
اللـى بدالـه شايحـاً ينشذبـلـه=له في قرار ململم القرن مشـواح
منوة غريباً ضيق الوقـت سبلـه=راحت حياته بالمنى والعمـر راح
رجلٍ.. قصر من دون مشهاه حبله=عن مقبله وجه الزمن بالقسى شاح[/poem]