|
امير ربعي
قصيدة مهداة الشيخ /نايف ابن مدلج
[poem=font="Arial,6,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أمير ربعي فيه عدة مزايا =فيه الكرم والعرف والجاه والطيب
عذروب أميري ها الصيانا الملايا= غير الكرم والطيب مآبه عذاريب
اقسم قسم بالله ماله حلايا =كود النجوم ألي علينا مراقيب
حيد(ن) سوات طويق في وجه حايا= ألي سوات القرم يحشم عن العيب
نايف ينوف ولاال نايف مدايا=بشته يذري عن سموم الملاهيب
زيزوم من زيزوم صفوتة بريا=يا ليث يا ضرغام يا نمر يا شيب
جده عوض وليا اقبلن المنايا=حريّْب ابن حريّْب من راس حريّْب
من رأس فاضي والدهايا دهايا=مانيب منلا يضبط الهرج ما نيب
في ظل راع الطيب ناطى الحيايا=ونشرب زلال ان غثربن المشاريب
ربعي هل الطولات راي(ن)برايا=ونشـد وتلقى وليـالـي دوالـيب
أدوى الحريب أن ما لقاله ادوايا=وعوق الخصيم ان ما نفعن المناديب
لا جاء المنادي وسمعن الندايا=وقامن يحـذفن الغطايا الرعبيب
نثبت وحنا من وساع النحايا=وقامت تهذب ابنا الكحيلة تهذيب
نشوش في يوم القشر والبلايا=ومن لا يهيب يبيض الوجه ما هيب
هذي هي الدنيا نزول وعليا=ومكانا يا مـيـر روس المرقيب
يشهد لنا تاريخ نجد المزايا=ويشهد لنا كشب وضرية مع الذيب
ويشهد لنا عود(ن)حسين النوايا=وتشهد لنا خيل تبارى جناديب
ورث الجدود الطيب ماهو هديا=وبروس الرماح وحد شلفاء تراحيب
ردو سلامي له وجزل التحايا =بالله يـالـي تـوصلون المـكاتيب
ويا الربع شيخي صدق ماله حلايا= كـود النجـوم الي عليـنا مراقيب[/poem]
|