|
0000حلال القوم000
ياعبيد ويني ووين النوم
-------------للنوم ماغمضت عيني
اقلق منامي حلال القوم
-------------لاجيت ابرقد يصحيني
اقول والخافيات علوم
-------------ياالله تقضبه في يديني
وشلون ابصوم لاجاء الصوم
-------------وانا همومي تباريني
ياجالي الهم للمهموم
------------الموت لايختلف ديني
واقوم اسوي سواة الروم
------------يذن وانا اغني هجيني
غلطان وادري ياعيب الشوم
------------قامت تراقص شياطيني
استغفر الله لحقني لوم
------------ياالله دخيلك تعافيني
اصبح على همه المقسوم
------------وفالليل جرحة يمسيني
احتل قلبي بليا سوم
------------وقطع عروقة بسكيني
مثل السمك في بحرة يعوم
------------يعوم داخل شراييني
اقول صاحي وانا منجوم
------------لين المنادي يناديني
يقول بيتك ورى ام الدوم
-----------ركز معي لاتهبيني
تطق بابي يابو سلوم
-----------وتقوم تضرب وراعيني
تقول بيتي يامال القوم
-----------مجنون مار انت توحيني
خل المطوع يجيك اليوم
-----------وطيب ماعاد تذيني
ومشي وفكري علاه يحوم
-----------واقول مابيني وبيني
مانيب في شوفته ملزوم
-----------علاه وشهو يبكيني
واقوم ادور لذيذ النوم
-----------ويطير النوم من عيني
سلام يااهل الطيب وافين الخصال=ياالطيبين اللي لكم عندي قدر
ياربعنا ياللي تشيلون الثقال=هامتكم ترقا وماتنزل حدر
ماعاد شفنا البرق يوم السيل سال=من يوم هل اهلالها واكمل بدر
وحنا نتحرا للمقابل والوصال=الشوق كنه قلب ماضمه صدر
حتى لو ابسط شي ياالربع اتصال=مابينا هوشه والابوشة غدر
a_zaik@hotmail.com
|