السلام عليكم ورحمة الله وبركاته .. .

عوده .. ألى مصاف ( المرقابيين ) .. .

عسى إن تكون عودتي بهذا النص .. تسمو لـ فخامة أذواقكم ،



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

مابين صبح الوله والليل=شوقي لكم أعلن الثوره
ماينفعك بالعمر لا قِـيل=غصن الهوى طارت طيوره
كفْ الهجر لاتزيد الكيل=عان الأحاسيس مذعوره
حلْ العطش يا مصب النيل=يبسْ الهوى بلْ حنجوره
ماعاد بأعتى عروقي حيل=لاتطلـّع القلب من طوره
أثبتت مايلغي التأويل=رجل الوصل منك مكسوره
شف نظرتي كل ليل تخيل=طيفك .. وذا العين مقهوره
حتى الوفا لا شقاه الويل=أرسل ورى هجرك إسبـوره
على النقا فوق ظهر الخيل=تاتيك الأشواق مـأموره
يبرك لحمل الثقال شعيل=وفعايل شعيل مذكوره
يامرتل ٍ شاعرك ترتيل=معناه .. قيفانه .. بحوره
من علـّمك تتقن التمثيل=وتكون في داخل الصوره
قل له : نعرْف الجدي وسهيل=لو كان مايعرف شهوره
ما أحتاج للمسأله تحليل=واضح على مثلك شعوره
جيل أنتهى معْك وأقبل جيل=صعب ٍ علي أقطف زهوره
تعبت أحط الفكر وآشيل=نفسي على الهم مجبوره
ترى الزُبى قد وصلـْه السيل=لاينكشف لـ / الوفي عوره
قم لـ / الوصل وفـّه التبجيل=قبل الغـلا ينطفي نوره[/poem]


سلامتكم ،

m.7@vip.cn