مساء الخير

مصافحه جديدة .. عساها تصل الى قلوبكم





.
.
.





[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
الفيت روض الشعر .. من لفحة الغبره=يغري هجوسي نداه .. و وفرة ظْلاله



ابآتنفس طهر فـ / اجواءه العطره=وانثر خلاصة شعور .. و تجربة حاله



شاعر ورقْه الزمان .. و منهجه حبره=يذبح سمان الدروب .. و يكرم آماله



ما جا يدّور ورا قيفانه الشهره=سرّاه ليل القصيد .. و جا على فاله



لو اعثرتْه المسافه ما نزل قدره=و اليا استجدّت ظروف اقواله افعاله



البحْر طامي .. رغم مدّه .. رغم جزره=ما عذربه لوم من وقّف على جاله



لله درّ القلوب اللي على الفطره=يفوح منها النقا .. لا كثْرت القاله



ولله درّ العظيم .. السامي بفكره=اللي علوم الردى مـ / تمرّ في باله



انا في وجه الستر .. من خاين العشره=و من معضلات الزمان .. و نكبة اهواله



يا حضرة الحلم لا تزعل .. و لا تشره=سيفي شطير .. و مزون العزم همّـاله



لجلك عبرت العمر .. من فتره لـ / فتره=وان كان دربي سواد الحظّ يبرا له !



و لو لا الرجا .. و التفاؤل في ضيا بكره=ما كان حملك على كتفيني اشتاله !![/poem]

.
.
.

.
.

شاعر ورقْه الزمان و منهجه حبره ــــ يذبح سمان الدروب و يكرم آماله ..

ما جا يدّور ورا قيفـانه الشـهره ــــ سرّاه ليل القصيد .. و جا على فاله .. !

kh.saad@hotmail.com


.
.