كانت بويتات في توقيع وعلى رغبة احد المرقابيين الغالين كملتها وعانها قدامكم مير اسمحوا لها بالمرور :

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


ماللفقيـر الا يخّفف دمّــه = ولايعود ينسـدح عند امّه
اليا اجتمع فقر وثقالة طينه= هذي عليّه بالحرام مطمّه
وان كان وانك صرت راعي بزنس = تصبح على روس المشايخ عمّه
ابدن مافيك عيوب بين العالم = لو العيوب العوج بك ملتمّه
لو جبتهــا عاميّةٍ شاميّه = قالوا علومك يالامير مهمّه
ترى الردي على ربوعه عاله = ماينفعه ماله وخفة دمّه
منته بلاقي حر نفسه دنعه = والامّعه في ساقة الدرعمّه
لاتحسن الظن في زمان اليومه = الوقت حط الطيبين بكمّه
ماعاد يبقى غير سردا مردا = وقتٍ تشيخ فيه حتى الرمّه
كم واحدن يبلاك وانته غافل = لوكان لاحولك ولا انته يمّه
اهل النميمه ماتبرّد عزمي =اصد عنهم والتفت للقمّه
كلن على ماقيل من تربيته = وين الفرات اللي قراحٍ جمّه
وانا بخير ولا لحقني شكه = واللي على شداد الوفا ما اذمّه
كم واحدٍ يسوى عداد عظامه = الرمح خاله والمهند عمّه
وانا على المطنوخ اسوق بشاره= وادفع على فرقا قليل الذمّه [/poem]