[align=center]اخواني اعضاء هذا الصرح الشامخ

اضع بين ايديكم هذه المتواضعه

اتمنى ان تحوز على رضاكم واستحسانكم[/align]




[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الكلمه اللي داخل اعماقي تبين لك غلاك=احلف لياجيتك لاقول الكلمه ولاطولها

وان شفت زولك ضاعت علومي وجافيني ارتباك=اجيك وارجع عاجز(ن) عن كلمتي لاقولها

اذوب في حسنك ويجذبني تغنجك وحياك=والضحكه اللي خاطري معها يدق طبولها

والنظره اللي من سبايبها تمنيت الهلاك=أثبت واحييها واحيي لخاطرك مرسولها

والحشمه اللي تكتسيك وطيب قلبك مع وفاك=في داخل اعماقي تصول ويتضح مفعولها

صورك ربي فتنةٍ للناس في هيئة ملاك=بالزين تفرق عن جميع الناس مانت بحولها

الحرف كنه لانطقته مايبي يترك شفاك=وده يعود للشفاه وينعم بمعسولها

ولياتخطيت بركودٍ تغمره روعة خطاك=تاقف لك الدنيا وتثبت عرضها في طولها

في خطوتك كبر ودلالٍ لايقٍ في مستواك=كل العذارئ يحقدن ولايبن وصولها

خليت من شافك يجوز ولايبي يعشق سواك=فيك الجمال اللي يهز الناس حسب اوصولها

ماللخلايق هرجتٍ غير اسمك وسيرة حلاك=رثعت فالعالم وكل الناس اخذت عقولها

وش لون تبغاني لياشفتك ابين لك غلاك=واثبت واطول الكلمه اللي ماقدرت اطولها

وانا لياشفتك تضيع علومي وجاني ارتباك=اجيك وارجع عاجزٍ عن كلمتي لاقولها[/poem]