[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مغادر ظهر ابوه ادم وعابر سكة الاصلاب= خطاه الطاهره من طينها تاخذ طهارتهاا

طفل ما داس حقبة غير فزت له زهر واعشاب=وكم امة تمنت عينها انه كان قرتها!!

تغازله السنين وتبتسم له والهوى غلاب=ولامنه تعداها تبشر عنه جارتها

ركض حتى تعب منه التعب في رحلة الانساب=على كتفه يشيل مهمة الارض وعمارتها

معه ستة عشر شمعه مضيئة نورها جذاب= لو اشعل نصفها في ظلمة الدنيا انارتها

حمل في جعبته ريح القصيد وزهرة اللبلاب=وبلسانه حلا الدنيا وفي قلبه مرارتها

تئن الريح في صدره ويفتح للقصيده باب= وتفرد اجنحتها فوق ابو ظبي وامارتها

سنين طوال ورياح القوافي في سماي اسراب= وتنكرها السما ما كنها في يوم طارتها

تعب كل المواني يا شراعي والبحر كذاب= خذت جنيته عمرك وشحت عن محارتها

انا اخر لحن مات من القهر في حنجرة زرياب=وانا اول حنجرة جات البلابل واستعارتها

وانا الموت الرحيم اللي اتى من مقبرة غيّاب=يبي يستل قبح الابجديه من نضارتها

احس ان القلم مغزل ذهب وان الورق جلباب= خيوطه من خطوط الحبر منسوجه عبارتها

نعم يا ريح هبي والمدينه دونها الاحزاب=لك النصر وقريش تهمها العير وتجارتها
مهمتك اكبر من المدح والتصفيق والاعجاب=ومن اغراء ضوء الشمس من شكل استدارتها
الوف من العذارى اللي لبسن من الحروف حجاب= على اسرة سلاطين العرب ضاعت بكارتها

تمسح جوخ ابو زيد وتقبل منكبين ذياب=وباعت ماءها الطاهر على سقاي حارتها

صلاح الدين وينه؟ كان فينا فص ملح وذاب=بطل مير اسدلت من دونه الدنيا ستارتها

خيولك يا صلاح الدين ممنوعه من الانجاب=ما بين افراس عقمت واحصنة ضاعت ذكورتها

اخذ برشام سموه السلام وريح الاعصاب=وعلق معركة حطين في قبرك وصورتها

ترى حنا بعدك سيوفنا ماهي سيوف..أخشاب=على العرضات وايقاع الطبول تشن غارتها

بنادقنا شريناها عشان تزين السكراب=تشيخ وتنتهي ما ولعت مره شرارتها

حرار اي والله انا احرار لكن مالها مخلاب=تحسب ان البراقع كل ما هدت حبارتها

ذياب اي والله انا مير ما معنا جلود ذياب=خذتها رايس لا غلى حقيبة في وزارتها
بمجلس قهر سجاده عبودية وسقفه كاب=تدرسنا مبادئها وتطعمنا حضارتها
انا يا سادتي يا سيداتي ادعم الارهاب= شفاهي قنبله موقوته وترعب خطورتها

ادافع عن شعر بغداد واشري للخليل ثياب=كنايسها عرايسها مساجدها منارتها

ابخرج لليهود من الورق والتين والعناب=من الخبز ومن اعمدة المرور ومن اشارتها

من كفوف الصبايا الل يدمي ناقشات خضاب=من اطفال الحجاره لو اكون اصغر حجارتها

فلسطين انتي عيون القصيدة والحروف اهداب= دموعك سيلت كحل االقوافي من حرارتها

شوارعك العرايش والمباني والبيوت اعناب= واهلك السكر اللي مستخبي في عصارتها

انا يا درة الدنيا عشانك ادعم الارهاب= شفاهي قنبلة موقوته وترعب خطورتها!![/poem]

يا وطني .. يا وطني
عطني مبدع واخذ
ريال
يا إ بني... يا إبني
ممنوع ٌ بيع َ
الأطفال
( جديدي)