فيصل الدوسري

الفيت روض الشعر .. من لفحة الغبـره
يغري هجوسي نداه .. و وفـرة ظْلالـه
ابآتنفـس طهـر فـ/ اجـواءه العطـره
وانثر خلاصة شعور .. و تجربة حالـه
شاعر ورقْه الزمان .. و منهجه حبـره
يذبح سمان الدروب .. و يكـرم آمالـه
مـا جـا يـدّور ورا قيفانـه الشهـره
سرّاه ليل القصيد .. و جـا علـى فالـه
لو اعثرتْـه المسافـه مـا نـزل قـدره
و اليا استجدّت ظـروف اقوالـه افعالـه
البحْر طامي .. رغم مدّه .. رغم جزره
ما عذربه لوم مـن وقّـف علـى جالـه
لله درّ القلـوب اللـي علـى الفـطـره
يفوح منهـا النقـا .. لا كثْـرت القالـه
ولله درّ العظيـم .. السـامـي بفـكـره
اللي علوم الردى مـ/ تمـرّ فـي بالـه
انا في وجه الستر .. من خاين العشـره
و من معضلات الزمان .. و نكبة اهواله
يا حضرة الحلم لا تزعل .. و لا تشـره
سيفي شطير .. و مزون العـزم همّالـه
لجلك عبرت العمر .. من فتره لـ/ فتره
وان كان دربي سواد الحظّ يبـرا لـه !
و لو لا الرجا .. و التفاؤل في ضيا بكره
ما كان حملك علـى كتفينـي اشتالـه !!


.




الله الله الله الله يابو سعد
مشاءالله تبارك الرحمن والله انك مبدع الى حد الثماله
صح لسانك وفالك المليون

..



..



.