[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما غير شمس الشموس .. شموس = تشـرق علـى قاصـي ودانــي
وإلاّ السمـاء صدرهـا متـروس = ونجومهـا أشـكـال وألـوانـي
يـا صاحبـي عطنـي الهاجـوس =وألهمـنـي أحــرّك لـسـانـي
مبطـي وأنـا خاطـري محبـوس =ولا تـغـزّلــت بـالـعـانـي
مـن المحبـه تشيـب الــروس =والشيـب لـولاك مــا جـانـي
محتاج أغنّـي عـن المحسـوس =وألعـب علـى كـل الأوزانــي
مسحوب .. وهجيني .. ومنكـوس = وحـداء .. ورجـد .. ولويحانـي
لـوّ أنّ شعـر الغـزل محيـوس =حاسـوه ذربـيـن الأيمـانـي !
الأوّل يـوصّــف المـلـبـوس =ولا أدري وش يوصّـف الثانـي ؟
وتوصيفهـم فيـه حـوس ودوس =صاب الحيـاء خـدش خدشانـي !
تجمّـعـوا طابخـيـن الـفـوس = وللمعـرفـه هــادم وبـانــي
كـم شاعـر ٍ بالغـزل مهـووس = وقافـه مـن الـذوق عريـانـي
لو يعـرف الخـزرج مـن الأوس = مـا عـاش بطبـوع نصـرانـي
وإلاّ أنت عـن طرقهـم محـروس = ومحفـوظ مـن كـل شيطـانـي
مـا ينكشـف زينـك المدسـوس = مسـتـور والـزيـن ربّـانــي
غـلاك فـي مهجتـي مغـروس = وأسقيـه مـن نـبـع وجـدانـي
و الحـبّ لـو ينشـرا بفـلـوس = عطيـتـك الـحـبّ مـجّـانـي [/poem]
دكتووووووور سداح
الشعبي والمواهب ماتشتغل يادعمنا الفني ؟!
|