فيصل الدوسري

زرعت في (قلب / ذاكرتي) لها دمعتيـن
دمعة لقاها ,, والاخرى دمعـة غيابهـا
ما فرّجت ذكريات الحب ضيق الحزيـن
ولا يسـرّ المشاعـر جفـوة أحبابـهـا
الحب دمعه تـراود محجـر العاشقيـن
مـا دونهـا إلا عيـونٍ رفّـة أهدابهـا
والشمس عيّت على صحرا المحبه تبيـن
لين أكتست هالسـواد وصـار جلبابهـا
وجه الليالي عبوس وطاري البعد شيـن
متـى يـرد النهـار اللـي تسمّابـهـا
الله على جملة أحـزان المـوادع يعيـن
لا ضاق صدر الليال ,, وشح ترحابهـا
علقتها بيـن ضلعيـن الشعـور الدفيـن
وكتبـت فيهـا القصيـد اللـي تغنّابهـا
ماهو مهم أكسب أعجاب ورضا المعجبين
يكفيني اني بشعـري كاسـب أعجابهـا




الله الله الله عليك يامبدع
والله ان للشعر هنا روح هنا الشعر اللي على اصوله
صح لسانك وعزالله انك كاسب الاعجاب

..



..



.