دارين

مطلق الجبعاء








ليه رحتي .؟

لا تقولين السبب ذيك السحابه ..!!

وين وعدك ؟ .. والسما رمز الرحابه ..!!

أيه .. أنا داري مصيرك تغربين ..!!

بس ليه السحب .. غيّبتك الحين ؟؟

يا أبتسامات السما

أيه .. أنا بعدك عمى ..!!

في ظلامي

يوم ليلي يسرقك .. مثل الحرامي ..!!

ليه رحتي ؟

لا تقولين السبب كف السحابه ..!!

ضاق صدر الكون .. وأغتال الرحابه ..!!

أيه أنا داري .. مصيرك تغربين ..!!

بس روحي بالأفق .. لا تغرقين ..!!

ذا مصيرك .. ولا أنا بلقى مصيري

في غروبك ..!!

وأنتظر باكر .. أكيد بترجعين ..!!

وأحتظن نورك بعيني في شروقك ..!!

وأبتسم ويا السما

من جمالك .. أنسى أني كنت بأحزاني .. عمى ..!!

أيه .. يا شمسي .. أحبك ..

عندما ..

تشرقين .. وما تخفيك السحابه ..!!