دارين

عبدالرحمن حمد العتيبي





ياصاحبي ..
مرت سنيني ..
وابعدتني عنك ..
بس ..
ما أفصلتني منك ..
أنت فحياتي (( مرحلة )) .. !!
أنت .. كنت ..
أزهى فصول العمر ..
كنت أولة ..
كنت أجملة ..
قالوا .. عشان أعيش ..
لازم .. تموت أنت .. !!
قلت : أعيش (( ميت )) ..
ولاتموت .. أنت .. !!
أنت غير .. !!
كنت بحياتي / حياتك (( ضي )) ..
كنت .. تحلم ..
وأحلامك كثيرة ..
كنت .. تحلم تصنع من الا شي .. (( شي )) .. !!
وكنت .. تحلم تصنع لهجير أيامك الحارقة .. (( في )) ..
كنت مجموعة طموحات ..
تحلم بمستقبل فريد .. وبقادم جديد .. !!
أنت ماقصرت .. سويت شي .. !!
لين أنتهى دورك .. على أعتاب دوري ..
وسلمتني (( باقي )) الأيام ..
وسلمتني (( عهدة )) الأحلام ..
وعرفت أنك سويت شي ..
أقلها وأنت (( الصغير )) .. قمت بأدوارك ..
على أكمل (( وجه )) ..
وأنا رغم أني كبير ..
ماعاد لي قدامك (( وجه )) ..
آآآآآآه .. يادنيا العنا ..
اللي بغيناها .. هنا ..
صارت علينا .. ولاهي لنا .. !!
وصار عيب سيرتك الكريمة ..
ياصاحبي ..
أنك يوم أنك كبرت .. صرت ..











أنا