رحيّم :
مرحبا ترحيب من باب طيب و باب جود
من هجوس ٍ تدفع الطيّبه مـن طيبهـا
دوب زانت لي عليك السوالف يا حمود
كيف تسري و المراقيب عاويٍ ذيبهـا
حمود :
البقا والطيب نجزيه بالطيب ونزود
بارك الله في هجوسك وفي ترحيبها
السوالف هاتها بالوثايق والشهـود
قبل لاخذ ثوبك وغترتك واسريبها
رحيّم :
ك اللي يوم هبّ الهوى قش العمود
و الخيام اشتالها شيل بـا اطانيبهـا
جعل يومٍ هدّ بيت الاكارم مـا يعـود
الليالي كيف نسلم و نامـن غيبهـا؟
حمود :
بيتي اللي يوم زرته ذبحنا لك قعود
مايهز ركونه اللي يبـا تخريبهـا
الليالي مقبله بين بيض وبين سود
قد ذبحنا الحيه اللي تحك جنيبهـا
رحيّم :
انت رجلٍ مجتهد مير ضيّعت الجهـود
و اكفتتك ام الكبايـر بداخـل جيبهـا
مير طعني مدّ يمناك لي و ارقى سنود
قبل لحيتك الكريمـه يولّـع شيبهـا
/
/
الله الله الله الله
رحيّم و حمود
ههذا والله المبروك
والليل سروي
متابع يامبدعين
وعلى القوة
|