قصيده اشترك فيها مجموعه من شعراء المرقاب
وهم:
الشاعر القدير سعدالبراق / الشاعر القدير عدنان مرضي/ الشاعر القديرمطرالمرشدي
الشاعر القدير عبد ربه /الشاعر القدير عبداللطيف الغامدي /الشاعر القدير خولان بن عامر /الشاعرالقدير متعب الشيباني
,, ,, ,,
,, ,,
,,
[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابدى بذكر الله عزيـز الجـاه غفـار الذنـوب=اللي على العرش استوى واللي على خلقه ولي
ومن بعد ذكرك يا إله الكون ابا استغفر واتوب=من كل ذنب ٍ غاب عن خلقك وفي علمك جلـي
انت الوحيد المطّلـع عـلام ماتخـف القلـوب=آمنت بك وآمن بما جاء في الكتـاب المنزلـي
مالي ملاذ ألاّ لعفـوك يـوم ضاقـن الـدروب=ليا زبنت وجيـت فـي رحمتـك والله ماعلـيّ
سبحانك أنت الواحد الرحمن طاعتك الوجـوب=جودك عليّ برحمتك وأنـت الرحيـم المعتلـي
ملزوم نركب في السفينه قبل مانلقـى ركـوب=ونفوز بالجنه وننجو مـن جحيـمٍ تصطلـي !
لا جاء نهارٍ مابقـى بـه لاطعـام ولاشـروب=ماعاد ينفعني ويرفـع رايتـي غيـر اعملـي
ومن لاحسب من ثلة الناجين ماهو بمحسـوب=افطن لعمرك يا فتى واحسب حسـاب لمايلـي:
العمر شمعه يا يطفيها الزمـن ,, ولاّ تـذوب=من لافقدها في صغـر سنـه فقدهـا لا بلـي
مير اغتنم فرصة حياتك وأنت منته بمغصـوب=يامالكي .. ياشافعي .. ياحَنَفي .. ياحنبلـي !
وخلّك على نهج الصّحابه ,, نهج مامعه مغلوب=اتبع خطى الصّديق والفاروق ,,, عثمان وعلي
منهاجهم نهج الرسول اللي مـن الله محبـوب=احبه الله واصطفـاه ،، ومـن تعلـى يعتلـي
دنياك هذي يافتى مثل الرماد (ا)مـع الهبـوب=ماينفعك لو جعبتـك منهـا تفيـض وتمتلـي[/poem]
|