قصيده ( ليت العرب تفطن ) للشاعر القدير عبداللطيف الغامدي
:: :: ::
:: ::
::
[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يارب ياللي لانويت بخير سخرت السّحاب = لين الديار برحمتك وحدك تسيل شعابها
الوذ بك واعوذ بسمك لاتضيق بي الرحاب = عونك ولاتعمي عيوني ماتشوف احبابها
وانا بشر عسى اجتهادي يكحل عيون الصواب = والا القصايد من زمن عديت في مرقابها
عذري يجملني من اصحابي على طول الغياب = وليا بديت افنّد الغيبه واجيب اسبابها
باقي على قلبي شويّ وينفجر والراس شاب = من ماتشوف العين ,,, ياعيني على ماشابها
والحقّ واضح مثل وجه الشمس مادونه حجاب = ماهوبعينك يادمي وتغمّها بهدابها
العقل زين وكلمة العاقل لها باب وجواب = والكلمه اللي مالها مدخل على من جابها
الله يعزّ اهل البنا ولايعزّ اهل الخراب = الحيّ والا الميّت ارضه تستره بترابها
وسياستك يالشرق الاوسط يا خيانه يا اغتصاب = لوّ ان ابو عدّاي يرجع طفل ما عدى بها
والضرب فالميّت حرام وكل شيّ وله حساب = ليت العرب تحسب عمايلها عشان حسابها
واللوم يتحفّظ على من ذاق طعنات الحراب = يالايمه فكّر سيوف اللوم مين اولابها
واما الشّهاده والنّعيم وجنّة الله والعذاب = هذي كتبها الله على خلقه وهوّ ادرابها
ولا تقول فلان تاب ولاتقول انه ماتاب = يمكن تجيب الغايه ولاجبتها تشقابها
مانت بوكيل الله على الرحمه ولاتملك ثواب = ترى الله الله رحمته رحمه ماصكّ ابوابها
لربما دمعه بليل ودعوتٍ له تستجاب = تمحي ظلام سنين غاب النّورما ضوّابها
واما القصاص فحق واللي غيّبه لاشكّ غاب = والله بيقتصّ لرقاب الناس قبل اصحابها
والا الشّعاير لاتمسّ ولاتدسّ ولاتعاب = ولاتنفّذها حصانيةٍ ترزّ اذنابها
لها مواعيد وقضاه صحاح ياعوج الرّقاب = ماهيب حبرٍ للمكايد تنكتب بكتابها
من يمعن النّظره يعرف ان البلا راس الغراب = اللي نقر في وحدة الامه وشق ثيابها
لابوك يابليس الرجيم امسيت في حجم الذباب = واصبحت مرثع في جمال القافله وزهابها
تدفّ الاخوه بصبعك مابين ضرس وبين ناب = الين تجني فقد اخوّتها وفقد اعصابها
ما احنا على دربك ,, محق دربك,, شيوخ ولا شباب = اجسامنا عاشت بهدي المصطفى والبابها
لا شكّ نتحاور بحسن المنطق وحسن الخطاب = وامّا انت مالك نيةٍ بقلوبنا تزهابها
وان قالها الله صدرك ولحيتك تنهشها الذّياب = وتذوق مالا تنتضر عينك على سردابها
انت وبني صهيون واحد كلكم جمعة كلاب = مع النصارى تقصف السّنه على محرابها
ليت العرب قدام لا ترخي لحاها للتراب = تفطن لوعد الله بحفظ الدين هي وانسابها
يمكن نشوف بجيلنا للوعد بادرة اقتراب = قدام يمسي صادق الفطره عشا كذابها[/poem]
|