للطائف ..ولكم

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هل غادرالشعر والشعّارياأم الورود=بأشعارهم من قفانبكي.. لبانت سعاد
ولاقالواإنّك لجزلات القصايدوقود=للشاعراللّي تساما في شموخك وقاد
غرّالمعاني يساقيهامع الحب نود=بالمزنه اللي تسيّل بالغلاكل واد
وأمطرعلى الطرس مايروي عطاش الكبود=وصوت العصافيرغرّدمايقول الفؤاد
ياطفلة الغيم عندي مالحبك حدود=ومحتاروش لون أبادلك الغلا والوداد
والشعر ياأخت الحلالوكان مافيه فود=إلاّإنّي أكتب جزيله في محبة بلاد
دارٍبها الحكم لله ثم لآل السعود=وحنّاعطينا الولا والامن والخير ساد
والطايف أصل الشعرمابي عليهاشهود=محطة رحال أهالي نجد..جارةمعاد
من سالف الدهرلاهل الشعر ملفى وفود=مازارهاشاعر إلاّفادها واستفاد
من سوقها اللي كفل للشعر معنى الخلود=عكاظ..والنابغه وأذّن بصوتك وناد
قل:كم قصيده لفت لك من جميع البدود=وقل :كم لفالك من الشعّارشاعر وأجاد
وقل:كيف عشنا محط أنظارهذا الوجود=وقل:كيف صرنا لتاريخ القصيد امتداد
وقل:كيف سيّرمع الركبان ورث الجدود=حتى علاذكرنا بين الحضروالبواد
واللي معه شكّ قلّه:يالحقود الحسود=هذا كلام الوكاد إن كان تبغا الوكاد
ياملهمتني بعد مابحت كلّ السدود=ياليت شعري إذامانلت فيك المراد
يافاتنه كلّ ساعه في حلاوتك زود=وأناعيوني على حسنك صباح وهجاد
من الهدا..للشفا..لآخر حدود العنود=ومن الحويّه.. ليا السيلين.. لأم العراد
في جو لامن تنفّسته يذوب الجمود=بالذات لانسنس الغربي بنفحة براد
وقامت تمايل مع الانسام ضمر القدود= ولاهي غريبه على جوّك يحرّك جماد
في كل عام لحلا جوّك تسابق حشود=ماعنده إحساس من زارك ولافيك أشاد
وعنّي أنا ..والله إنّي وافيٍ بالعهود=ساكن بقلبي غلاك ..ولاأطيق البعاد
وإن غيّبتني خٌطا الايام لابدّ أعود=وأحضن جمالك وفا ..وأقول:طاب المعاد
وانثر شعوري درر..وأرقا بحبّك سنود=ومهما كتبتك محبّه مايجفّ المداد
هذا أنا ..جبت ياأم الورد باقة ورود=جمعتها من قفا نبكي ..لبانت سعاد [/poem]محبتي ..