...
.
.
.
يعني يروح مرقه وتروح هـي كفتـه
الله يــبــلاه والله لا يعـافـيـهـا
يقوله اللي بـلاوي الوقـت حاذفتـه
مع عالـمً روسهـا تاكـل كوافيهـا !
قومه وطيحه وغيـر الله مـا خفتـه
وأرقى جبال الديـر وآطـى فيافيهـا
وأن ثقـل همـي بذكـر الله خففتـه
والعالم الصامته ما أبحـث خوافيهـا
ولا ألتفت في المسفسف هو وسفسفته
وأنا أعرف الفارقه وأعرف ملافيهـا
واليا قصـد عبدربّـه تاجـب اللفتـه
(والشي ذمه وأنـا مانـي بمهفيهـا )
(والشعر لن كان مافي النصح وظفتـه
قصايد العشق والله ما ألتفـت فيهـا)
بيتً مناسـب مـن الشاعـر تسلفتـه
معنـىً منقّـى وتركيبـه مصفيّـهـا
شف محتوى العلم لا تحكم على أغلفته
أغلفتـه تـودهـا كـنّـك تجافيـهـا
هـرجً هرجتـه ووالله مـا تكلفـتـه
سوالفـي بـس أوازنهـا وأقفّيـهـا
شعر شعر شعر , ورب البيت ..., صح لسانك ياناصر على القصيده ومجاراه رائعه لاتقل عن قصيدة عبدربه ..
تقبل مروري ..
.
.
.
...
|