|
الاحمري , الحماد, عامر عمار.
حرام بالله اني كنت اماري بكم و بتواجدكم ,, و كنت احترم مواضيعكم,
كنتوا اجواد و مؤدبين و وش حليلكم. و ردودكم كلها ثقه و كلها حيويه و ثقافه.
لكن لكم يومين من يوم جيتوا الديوانيه و انتم الله يخلف. اطيبكم اللي يعرف اسمه.
هلوستوا, و انسبهتوا, و انلحست عقولكم.
لكن عليه الخلف و منه الخلف. و الله يعوض على من يرجيكم... و يخلف عليهم طيب الخلف.
صرتوا تتالون ورى بعضكم مفهين و كل واحد مقرط في جناح غترته و هي تسحب وراه.
الله حسبي على من دلكم على الدرب الاقشر و جابكم للديوانيه,
يكفي بس المشرفين. منسمييييييييييييييييييين خالصين مقطوع الرجا دونهم.
كيف عاد الاعضاء؟ اللي انسبهوا.
و اكبر دليل ان هذا الايقون ما يجي الا في الديوانيه: (m-
تراه ما كان كذا اصلاً... انا اعرفه في المنتديات الثانيه كان هادئ و مكشخ ,,, لكن من يوم جابه معيض للديوانيه و هو مثل ما تشوفون ,,, حالته صعبه للغايه.
كلٍ رحمه الا العنقاء هي الوحيده اللي تكده ليل نهار في مواضيعها لين كملت على باقي المخ اللي كان معه.
انا لله و انا اليه راجعون.
صراحه انا ارسلت رساله لاهاليكم و قلت تخلفوا الله فيهم . الربع انتهوا نــُــهااااائي
يـا مغـسّـل الامــوات للـمـوت تـذكـار=انـشــد و تـخـبـرك الـنـجـوم الـمـطـلـه
انشـد بـلاد الشـام و اديــار الاحــرار=لا تـنــشــد الــعــشّــاق والا الــمــولّــه
الـيـا تـراخـى راعـــي الـــذل و انـهــار=ف/ الشـام ماهـي بـالـردا مُستَحـلَـه
منها يشعّ النـور و تطـوف الانـوار=كــــل الــوجــود و نـــــوّرت بـالاهــلــه
و ان ثـارت الهيجـا مـن يديـن ثـوّار=ف/ رجالـهـا مـــا سِـــوّروا بـالاغـلّـه
تنصا المنايا من شجاعه و تختـار=مـوت الشـهـاده عــن حـيـاة ٍ اِمْـذلّـه
وْبين الشتا و الصيف مدفع و طيار=قتـل وْ تشـرّد.. هـدم مـنـزل و فِـلـه
وْطفلٍ رضيـع ايصـارع الجـوع فغّـار=و ام ٍ كـسـيـره.. و الـحـيـاه المـعـلّـه
وْبـشّـار مـوسـاد الكـفـر ســاد كُـفـار=اســتــعــبــد الــعـــبّـــاد رب وْ تــــألّـــــه
يبـطـش بـقـوّة بــاس قـاتــل و جـــزّار=و ايـران سـادت و استبـاحـت بظـلـه
يوم العرب لاهين ما بيـن الاسعـار=فــي ســوق دنـيـا بالـعـلـوم المـخـلـه
عِــــبّــــاد لــلــدنــيــا و عِــــبّــــاد دولار=و وجيهـهـم تـحــت الـــردا مستـظـلـه
|