الى متـى يابوحـي البـال مشغـول
الى متى وانـا أسـأل الوقـت راحـه
من دون صبحك مابقـى بـاب مقفـول
اقطع قياد الصـوت واطلـق صراحـه
الصمت يـوم ان الحكـي مابـه حلـول
القـى بـه اظـلال وامـان وفصاحـه
وان كـان ماهـون ولا خفـف حمـول
وش هوله اترك له بصـدري مساحـه
مدام همـي باقـي ٍ بـي علـى طـول
وازريت لااكبح فـي سكوتـي جماحـه
بقـول واصـارح بـي الليـل واقـول
لو شفت موتي فـي عيـون الصراحـه
هذا انـا حالـي مـن الحـول للحـول
تصغـر طموحاتـه وتكبـر جـراحـه
غرست حلمي فالزمن عـرضٍ وطـول
واقلعتـه عجـاف المحـال وريـاحـه
وطير القلق في داخل الصـدر منقـول
ياسـرع مايفـرد لصبـري جنـاحـه
وليل التعب ماعـاد بيـده معـي حـول
سلـم سهـاده والـظـلام لصبـاااحـه
ولاعاد في عين الوفـاء شـي معقـول
حسبي علـى قـل البخـت والسماحـه
من خوف اجي في حلوقهم صيد (ياحول)
صديت عن قصدي وانا اشوف ضاحـه
صديت اخاف يبـور حظـي ولا اطـول
الا شماتـت مـن مطيـحـي نجـاحـه
واللي بقى في عمـر الاحـزان مأمـول
يشرب همـاج اللـي سقاهـم قراحـه
واللي شبابه عاشـه يصـول ويجـول
اكبـر ذنوبـه فـي زمـانـه كفـاحـه
ياليـل ليـش نطـول البـوح ويطـول
لاصـار راحـه ماحصـل منـه راحـه
قلـي اذا ودك تشـوف التـعـب زول
شفني ولا تنشـد بعـد عـن صراحـه
حضور اول .,
|