السلام عليكم ورحمة الله وبركاته
[align=center]السلام عليكم ورحمة الله


بعد الغياب جيت ألتمس منكم السموحه



لكم جديدي ..





[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
أن كان جالك حرف يتشكل قسى .؟! ضمن الكتاب؟ = فـ لا تواخذني لأن لقياك لي يوم السعد
ماهوب كيفي! غصب! أرسلك عناوين العتاب = ياللي ضفابي حزن من جورك .. وش الباقي بعد؟
ماكنت افكر في غيابك ..! لين صادمني الغياب = الله حسيبك .. كيف تجفاني..؟ وأنا مالي أحد!
كم غبت؟ والغيبه طويله.! لا سؤال ولا جواب = ولا خبر .. حتى خيالك عن وجودك ما يسد
هذا غيابك طال .. طال الصبر .. وأنزاح الصواب = من وحشتي لك أرتخى حالي معا حيلي وأشد
ما أقول لك بأن الحياة المشرقه .. صارت ضباب = بأقول لك منهو زرع صعب ٍ وجوده .. وش حصد؟
تعال .. بدلني .. وبدل نبرتي .. وأكسب ثواب = الله يثيب .. اللي يخفف من .. عناة المضطهد
وشلون لا زحت الجريمه .. عن حدوث الأرتكاب = ولملمت شوقي لك وله .. ( عز الله أن جابت ولد )
شف حالتي في غيبتك .؟ من إكتئاب إلى إكتئاب = وإلى إكتئاب .. أحس به وأستغفر المولى .. خلد
تعال .. قدّر وقفت الأشواق ..! وأعلن للسحاب = واشره على البيدا وعابرها .. ليا منه جحد
ودي بشوفك .. كان مستصغر .؟ قبل طوي الكتاب = وش ينفعك لا قيل ما يمّدي .. وهو ناش اللحد
شف شرهتي في غيبتك .. ما تستحق كسر الغياب؟؟ = خص ٍ ليا مني تحريتك ... وأنا مالي أحد[/poem]







أخوكم[/align]