|
كم غاب عن عيني
السلام عليكم ورحمة الله وبركاته
بويتات للتواصل
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الهم شيخ ٍ وسط قلبي تسيد = وقلبي وجار ٍ شب فيه الوقايد
هم ٍ لسجات الضمير يتكيد = وضيق على صدر ٍ وسيع البنايد
والفكر بسبوق الطواري مقيد = وطعم الفرح مابل ريق القصايد
كم غاب عن عيني سنافي وجيد=من جملة الاصحاب داني ونايد
وكم شخص معنا حزة العيد عيد = وتقافت الاعياد ما جا يعايد
وقت ٍ يبيدنا ولا ينتبيد = ومن دب فوق البيد لا بد بايد
يفتر دولابه ولا يوم هيد = ومع فرته روس الخلايق حصايد
كم هز عرش ودك قصر ٍ مشيد= وكم فرق احباب ٍ وبدد بدايد
للخلق دايم يفترس ويتصيد = والناس صيده والليالي مصايد
ما يوم فرق بين خادم وسيد = عدل ٍ على كل الخلايق محايد
والرابح اللي بامر ربي تقيد = واخلص لربه فالرخا والشدايد
وعن منهج اهل الطيب ما يوم حيد = في نطحة الواجب ومد الموايد
ومن حاشها يبشر بنصر ٍ مويد = من عند رب ٍ ما يمد الزهايد[/poem]
بعد تنثر الذكرى على سكة النسيان = تقول ابتعد وانسى وانا اقول كيف انسى
وانا لا ذكرت ايامنا والغلا اللي كان = اشوف الفراق امواج وعيونك المرسى
دخيلك تعال وبدد بقربك الحرمان = وعلى قلبي اللي مابه..الا انت.. لا تقسى
mf7010@hotmail.com
|