شكراً لكم على هذه البادره الطيبه
واحب اشارك معكم بهذه القصيده :
[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامرحبا ياللي على الحول زوار = ياللي به الزراع يجني ثماره
ترحيبةٍ عداد همال الأمطار =وعد العجاج إلى تزايد اغباره
يالزاير اللي تكرم الضيف والجار= حييت في داج الظلام ونهاره
زيارةٍ فيها الغنايم للأبرار= وألا الخدوش إلهم زيارة خسارة
شهمٍ قدومك فاح به عطرالأزهار=وريح الندى والعشب فاح بقراره
يالله يامنجي نبيه من النار =اللي ومرها برد بعد الحراره
تجعل لنا مع زاير الخير تذكار=نذكر بها عندك بسجل الزيارة
تكتب لنا قدام قصاف الأعمار =قبل العمل والروح ياقف مساره
مادام نقدر بيع وأرباح واتجار= بشهرٍ يضاعف فيه ربح التجاره
ياعالماً يعرض لها البيع تكرار=توجهوا للربح مشياً بغاره
الخير يعرض موسمه وأنتم أحرار= واللي يريد الربح يطلب خياره
وتبع الهوى والنفس وإبليس غدار =وكلٍ عمود الدين يرفع شعاره
ومن طاوع العدوان قادوه للنار= نارٍ تمثل بالعماير شراره
نارٍ توقد ما عليها تصبار =وقودها عاص البشر والحجاره
يوعد بها من صد عن درب الأخيار =اللي سبيل الهدي جنب يساره
يأهل الشجاعة والشهامة والأبصار =من قام بأمر الدين يكثر وقاره
تحيزموا قدام الأرواح تنهار= الأمل لا يلعب عليكم قماره
ياكيف نامن بين صعبات الأخطار=لين الكبر والموت نسكن بداره
تسعى بنا الأيام والوقت دوار=يمشي بنا للقبر عجلٍ قطاره
ياقابلين النصح عندي لكم شار=أخوكم الناصح تطيعون شاره
خلو علاقتكم جويده مع البار=وأدوا فرائضكم بعزم وجداره
وابنوا صداقتكم على النصح بحجار= وساسٍ يجود مثل ساس العماره
وطرق التعاون بأمر علام الأسرار= قدام سوق المذبحة والجزاره
وتبع الردى ومصاحب الناس الأشرار =عسى وجيه الخير منها مجاره
والرجل ما يجنح من الدرب ويسار= يعطي اليمين ويكفي الحر اشاره
من تاه يمشي في سنا حر وغبار= وتضيع هقواته وتصغر كباره
ورجلٍ يهين النفس عن كل مغوار= ومثل الجمل يبرك عليها بزاره
ودايم على صكات الأيام صبار= يخلص ويطلب خالق الكون أجاره
ومبشّرٍ بالخير من وال الأقدار= وإله بدار الخلد نزل وسفاره
جزاه روضة جنةٍ بعد الأسفار= وحورٍ يعايدهن ولبساً غياره
وهذي حياةٍ تنتهي مالها كار=وحلاوةٍ يصبح بعدها مراره
والنفس تطلب زود والدهر غرار =ومردد الجثة عليها زباره
والله رحيم وسلعته بأغلى الأسعار= وبشراه لأهل الدين نعم البشاره
وصلوا على خير الملا عد الأشجار =وعداد من صوت براس المناره[/poem]
|