من الجديد وللتواصل معكم ,,, اتمنى اكون عند حسن الظن دائماً


..


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
كل ماذعذع هبوب النود واجتاح الحنايا = ماشعرت إلا الطعون اللي بقت لي من غيابه
وكل مالديت عيني فـالمكان وفـالزوايا = ما لمحت الا سنين العمر والحلم و سرابه
أتظاهر للزمن واجامل وجيه البرايا = واستراح الهم في قلبي وجازت له رحابه
والوداع اللي لحقني منه شرهات و زرايا = ماتكفره الدموع اللي لها قدر ومهابه
مابعد صمتي كلام ولا مثل جرحي حلايا = وماتعمدت الغرام ولا تصنّعت الكتابه
شاعرَ يبست لهاته يروي كبود الضمايا = امحلت قاعه ولا ناضت له بروق السحابه
لو تعذر مايفيد العذر .. واعذاره عرايا = وان تصبّر وش خذا للصبر من جملة زهابه
وان غشاه الليل لو يبكي على كثر الخطايا = ماعزاه الا قديم الشوق وسنين الصبابه
مايعيش الحلم والواقع توافيقه منايا = ولا يموت الياس في قلبً عشق حتى عذابه
والدروب السود ماتشفع لها بيض النوايا = والسؤال الصعب مايرضي غروره بالإجابه
كانت اغلى الذكريات ولا بقا منها بقايا = غير طيفً ماله بعيني تواصيف وتشابه
والهدايا .. مشكلتها عايشه دور الهدايا = وفالحقيقه ماهي الا طعنتينً من غيابه [/poem]



..