لا عذر لي عن الغياب فـ أرجو أن تعذروني .. !!




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حبيبي كثر ماخلى غيابك في صدر مغليك = كثر ماضيّقه عذل العذول ولومة اللايم

تمنيت ان مصيري في البدايه ماتعلق فيك = لانه ماعلى الدنيا دوام الا الله الدايم

رحلت وكل حسرات الضلوع العوج منك إليك = مع انك تدري ان وادي المفارق مدهل الهايم

وانا اللي كل ماطاحت دموعي طحت بين يديك = على ساس ان مافي الحب متعفف ومتشايم

لو ادري ان كل غفوات المنام تجيب لي طاريك = من اول ماعرفتك لين فارقتك وانا نايم

تشوف ان الجفا يرضي غرورك سو مايرضيك = ويبقى الكره قايم ياحبيبي والغلا قايم

تحسب انك مخلد في سويدا القلب وش يدريك = لو انه ينفرك بكره مثل ماتنفر الرايم

ويحجب عن مجالك .. مايجيب اسمك ولا يطريك = وتحرم مثل مايحرم شراب الما على الصايم

تغانم فرصةٍ فالعمر لا راحت ماعاد تجيك = مدام الارض لاذالحين خضرا والسما غايم

ملذات الهوى اللي فأولك ماهيب في تاليك = ولا عادت تراعي فارق التوقيت بالتايم

مصيرك لو تصدق قيمتك في عين ماتبكيك = مصير اللي غرق والموج عاتي والبحر زايم

لاتجعل كل طيرٍ يوهمك بأشيا ويستغبيك = لولا ريح الفريسه ماتشوفه فالسما حايم

بما انه حسب قانون الهوى من زعلك يرضيك = اشوفه حل جداً منطقي للوضع وملايم

تعال .. وكل حسرات الضلوع العوج منك إليك = مدام الارض لاذالحين خضرا والسما غايم[/poem]








وسلامتــــــــــكم