منتديات المرقاب الأدبية - عرض مشاركة واحدة

28-08-2008, 04:52 PM

العمر يفنى والسنين تمرني مر السحاب
وانا على حالي عسى المولى يروف بحالتي
اطرد ورا الدنيا يابو نايف مثل طرد السراب
وانا اعرف اني فالنهاية فاضية حصالتي
لا والله اللي شابت رموشي وانا توي شباب
واخاف من جور الزمن وانا على ضلالتي
عزايه اني عشت واضح ما على وجهي ضباب
ما ادفن على درب العباد الغافلة محبالتي
وعزاية اني ما خسرت الا رديين الجناب
اللي يعدون الصراحة في من هبالتي
والله لقول الحق دام اني على وجه التراب
حتى ولو شالت علي قلوب من مقالتي
مشيت مدري وش مشيت اللي خطا واللي صواب
مذنب وادور مغفرة ولا ادعي كمالتي
يا الله يارب السماوات السبع رب الكتاب
اغفر ذنوبي قبل يوم(ن) فيه ترثى حالتي
ليا صارواعبادك حضور ولا حصل فيهم غياب
اسألك يا رحمن تستر بينهم خمالتي

صح لسانك و لله درك
و كـفـى